| |
| XXXVII.-
On p’tit djon.ne ome qui sét ç’
qu’i vout
Li coléje a stî r’bâti
èt Josèf î a achèvè
s’ quatrinme. Més l’ guêre lî
a fét piède on-an èt il a bone
idéye do l’ ratrapè. Justumint, il
ètind dîre qui trwès d’ sès
cousins s’aprètèt à-zintrè
à Malon.ne, à l’ sicole dès
réjents : Félis´ d’Olvôs,
Jules d’Ouyèt èt Victôr d’èmon
l’ Tchôrlî, li coq dol famile, qui
n’a quôsu jamés stî è
scole, més qui passe tos sès-ègzamins
en studiant tot seû. « Dji m’ va fè
come zèls, di-st-i è li-minme. L’anéye
qui vint, dj’ôré l’âdje
; à 20 ans, dj’ sèré profèsseûr
». Professeûr ! Qué bia tite èt
qué bia mèstî por on gamin qui n’a
jamés tûsè qui d’ lîves
èt di scoles ! I n’ fét ni one ni
deûs, i pôte po Dinant èt va èspliquè
s’ plan ô tchènon.ne Nicolas : lèyi
là l’ coléje èt aprètè
s’t-ègzamin d’intréye à
Malon.ne. « Tu as tort, mon ami, di-st-i l’
Principâl. Tu es bien trop jeune pour abandonner
tes humanités ; tu vas gâcher tes études
et compromettre ton avenir ! – C’est décidé,
M. le Principal. – Alors, pourquoi viens-tu me
consulter ? – Je voudrais seulement vous demander
à pouvoir venir prendre quelques leçons
particulières. – A ta discrétion,
mon ami ! » En minme timps, i scrît à
Brussèles po sîre dès cours pa l’
posse èt il îrè fè dès
mat´ à Ouyèt avou l’ cousin
Hèrbièt. I fét ruv’nu lès
programes èt lès lîves èt
vo-l’-là à l’ovradje ! |
|
37.- Un petit jeune
homme qui sait ce qu’il veut
Le collège a été
reconstruit et Joseph y a achevé sa quatrième.
Mais la guerre lui a fait perdre un an et il a bien
l’intention de le rattraper. Justement, il entend
dire que trois de ses cousins s’apprêtent
à entrer à Malonne, à l’école
[normale] des régents : Félix d’Olvaux,
Jules de Houyet et Victor de chez le Charron, l’as
de la famille, qui n’a presque jamais fréquenté
l’école, mais qui passe tous ses examens
en étudiant tout seul. « Je vais faire
comme eux, se dit-il. L’année prochaine,
j’aurai l’âge; à 20 ans, je serai
professeur. » Professeur ! Quel beau titre et
quel beau métier pour un garçon qui n’a
jamais rêvé que de livres et d’écoles
! Sans hésiter, il part pour Dinant et va exposer
son projet au chanoine Nicolas : abandonner le collège
et préparer son examen d’entrée à
Malonne. « Tu as tort, mon ami, dit le Principal.
Tu es bien trop jeune pour abandonner tes humanités;
tu vas gâcher tes études et compromettre
ton avenir ! – C’est décidé,
M. le Principal. – Alors, pourquoi viens-tu me
consulter ? – Je voudrais seulement vous demander
à pouvoir venir prendre quelques leçons
particulières. – À ta discrétion,
mon ami ! » En même temps, il a écrit
à Bruxelles pour suivre des cours par correspondance,
et il ira faire des maths à Houyet avec le cousin
Herbiet. Il commande les programmes et les livres, et
le voilà à l’ouvrage ! |
| |
|
|
| Su
cès-entrefètes-là, Victôr d’èmon
l’ Leûp, li sècrètére
di comune, a dandji d’on côp d’mwin à
l’ Sâle comunâle : asteûre qui
lès-Alemands, avou leû Mèldeamt èt
leû Komandantûr (1),
si mèlèt di d’ tot, i-gn-a one masse
d’ovradje ô burô. On convint qui Josèf
f’rè dès-ècritures tos lès
djoûs ô matin avou s’ mon-n-onke : ci
sèrè co todi quéques francs d’
gangnis ! |
|
Sur ces entrefaites-là, Victor de chez le
Loup, le secrétaire communal, a besoin d’un
coup de main à la mairie : maintenant que les Allemands,
avec leur Meldeamt et leur Kommandantur (1),
se mêlent de tout, il y a une masse de besognes
au bureau. On convient que Joseph fera des écritures
tous les jours au matin avec son oncle : ce seront toujours
quelques francs de gagnés ! |
| |
|
|
| Par
ègzimpe, i tint l’ rédjisse dès
bièsses èt c’è-st-addé
li qu’ lès cinsîs èt lès
cultivateûrs vinèt fè leûs dèclarâcions.
Més, come i n’ sont nin fwârt sognants
po ç’ pârtîye-là, ô
coron do trimèsse, lès rédjisses
ni sont nin d’acwârd avou lès stôves
èt lès rans. « Vos-avoz trwès
couchèts, don ! – Non.na, savoz, dj’ènn’é
pupont dispôy on bokèt ». « Qui
sont-is duvenus d’abôrd ? » On n’î
wéte nin d’ si près. Josèf è
touwe onk, vind l’ deûzinme èt fét
crèvè l’ôte. Di ç’
maniére-là, li compte èst jusse. |
|
Par exemple, il tient le registre du bétail
et c’est auprès de lui que les fermiers et
les cultivateurs viennent faire leurs déclarations.
Mais, comme ils ne sont pas fort soigneux sur ce chapitre-là,
en fin de trimestre, les registres ne concordent pas avec
les étables et les soues. « Vous avez trois
cochons, n’est-ce pas ! – Non, vous savez, je
n’en ai plus depuis quelque temps ». «
Que sont-ils devenus alors ? » On n’y regarde
pas de si près. Joseph en tue un, vend le deuxième
et fait crever l’autre. De cette façon-là,
le compte est bon. |
| |
|
|
| Tènawète
minme, on rit one pôrt. On djoû, i s’amine
di Djindron on-ome mô aguintchtè, qui l’
sècrètére ni conut nin (on n’
si veut wére inte djins d’ Céles èt
d’ Djindron). Victôr li prind por on vatchî
ou on vôrlèt d’ cinse. Lès papîs
ni s’ rapwartèt nin avou l’ dèclarâcion
èt on-z-a do mô do discomèlè
lès-afêres. Victôr, qu’a portant
brâmint dol pacyince – quand il èsteut
p’tit, lès scolîs l’ sorlomint
Bonté – sint qu’èle lî chape.
« Més, en dèfinitif, di-st-i, poqwè
ç’ qui l’ cinsî n’ vint nin
li-minme ? » Èt l’ome tot pèneûs
do rèsponde : « Bin c’èst mi,
ô, l’ cinsî ». Victôr èst
co pus pèneûs qu’ li. Li gamin, li,
a si bin ôsse do rîre qu’il a fwat-à
fè po s’ rat’nu ! Més i s’
ratrapèt tos lès deûs quand l’
cinsî èst sôrti. |
|
De temps à autre même, on s’offre
une partie de rire. Un jour, s’amène de Gendron
un homme mal habillé, que le secrétaire
ne connaît pas (on ne se fréquente guère
entre gens de Celles et de Gendron). Victor le prend pour
un vacher ou un valet de ferme. Les papiers ne concordent
pas avec la déclaration, et l’on a du mal
à démêler les affaires. Victor, qui
a pourtant beaucoup de patience – quand il était
petit, les gamins le surnommaient Bonté –
sent qu’elle lui échappe. « Mais, en
définitive, dit-il, pourquoi le fermier ne vient-il
pas lui-même? » Et l’homme, tout penaud,
de répondre : « Eh bien, c’est moi,
oh, le fermier. » Victor est encore plus penaud
que lui. Le gamin, lui, a tellement peur de rire qu’il
a bien du mal à se retenir ! Mais ils se rattrapent
tous les deux quand le fermier est sorti. |
| |
|
|
| Dîre
qui l’ djon.ne emplwèyé – qui
n’a qu’ musique èt studiadje ol tièsse
– èst todi à s’ sogne sèreut
minti : i vôreut d’djà awè fét
d’vant do c’minci. Di ç’ maniére-là,
i lî arive do s’ brouyi èt do d’vu
grètè l’ papî. C’èst
tot ç’ qui l’ sècrètére,
spèpieûs come gn-a pont, veut èvi
! Portant, i n’èst nin ô drî do
contè one craque. Èt i raconte ô gamin
l’istwâre do comis qu’aveut scrît
d’ triviès « Catherine » dins
lès rédjisses di l’Ètat-Civil,
pus qu’aveut coridji en trawant l’ papî.
I n’aveut pont yeû d’ôte reucoûrs
qui do mârquè vis-à-vis : Avoir
gratté le Q de Catherine avec le sabre du garde-champêtre
et y avoir fait un trou. Si Josèf rovîye
do r’foûrbu s’ plume : « Passoz-l’
su vos tchfias, di-st-i, di peû d’ lès
lèyi blanki ! » Par ègzimpe, ci quèl
dâne tot nwâr c’èst do véy
qui l’ gamin, maniére do fè assoti
si r’wétant mon-n-onke, è-st-arivè,
à fwace do saye, à sinè come li :
one espéce di chimagrawe qui vout dîre Leloup,
més qui s’ pout lîre Melon ou Quelou.
Sondjoz one miète : si l’ gamin s’ sièrveut
d’ ça à môlvô ! I n’î
a seûlemint jamés sondji : i n’ mèt
nin sès-imbicions di ç’ costè-là. |
|
Dire que le jeune employé – qui n’a
que musique et études en tête – est
toujours à sa besogne, ce serait mentir : il voudrait
déjà avoir terminé avant de commencer.
Aussi lui arrive-t-il de se tromper et de devoir gratter
le papier. C’est tout ce que déteste le secrétaire,
méticuleux comme pas un ! Pourtant, il n’est
pas le dernier à raconter une blague. Et il relate
au gamin l’histoire d’un commis qui avait écrit
de travers « Catherine » dans les registres
de l’État-Civil, puis qui avait corrigé
en trouant le papier. Il n’avait eu d’autre
recours que de marquer en regard : Avoir gratté
le Q de Catherine avec le sabre du garde-champêtre
et y avoir fait un trou. Si Joseph oublie d’essuyer
sa plume : « Passez-la sur vos cheveux, dit-il,
de peur de les laisser blanchir ! » Par exemple,
ce qui le met en grande rage, c’est de voir que le
gamin, histoire d’ennuyer son oncle vigilant, est
parvenu, à force d’essayer, à signer
comme lui : une espèce de gribouillis qui veut
dire Leloup, mais qui peut se lire Melon ou Quelon. Pensez
un peu : si le gamin se servait de cela à mauvais
escient ! Il n’y a jamais seulement songé
: il ne met pas ses ambitions de ce côté-là. |
| |
|
|
| Dol
vèspréye, Josèf pôte po l’
coléje ou bin s’ mèt à studyi
èt à fè sès d’vwârs
: c’èst dîre qu’i n’a pont
d’ timps à piède. |
|
L’après-midi, Joseph part pour le collège
ou bien se met à étudier et à faire
ses devoirs : c’est dire qu’il n’a pas
de temps à perdre. |
| |
|
|
| I lî
fôt co sovint d’nè on côp d’
mwin à moman : k’tayi on fagot avou l’
fèrmin, mache on sèya d’ mârti
ol côve ô tchèrbon, alè r’qwér
lès solès èmon l’ cwam’jî
d’Ûbaye. Sins comptè qu’i r’présinte
co sovint l’ famile à dès-ètèrmints
pa t’t-avô l’ payis. Èt lès
djins morèt come dès mouches di tos costès.
Lès-Alemands ont aminè avou zèls
one maladîye qui n’ pârdone nin. On l’
lome li gripe èspagnole, més ç’
n’èst rin d’ôte qui l’ pèsse
; èle s’ataque surtout ôs djon.nès
djins èt ôs-omes à plin.ne fwace.
Justumint, i vint d’arivè en repôs o
viyadje dès novèlès troupes èt
l’infirmier èst lodji èmon Djan-Piêre.
Come il a r’mârquè qu’ Josèf
chirlaméye l’alemand, i l’ prind avou
li po fè l’ toûrnéye dès
malades èt lî sièrvi d’intèrprète
èmon lès djins. |
|
Il lui faut encore souvent donner un coup de main
à sa mère : débiter un fagot avec
le courbet, mélanger un seau de mortier dans la
cave au charbon, aller rechercher les souliers chez le
cordonnier de Hubaille. Sans compter qu’il représente
encore souvent la famille à des enterrements dans
tout le pays. Et les gens meurent comme des mouches de
tous côtés. Les Allemands ont amené
avec eux une maladie qui ne pardonne pas. On l’appelle
la grippe espagnole, mais ce n’est rien d’autre
que la peste ; elle s’attaque surtout aux jeunes
gens et aux hommes dans la force de l’âge.
Précisément, il vient d’arriver en
repos au village de nouvelles troupes et l’infirmier
est logé chez Jean-Pierre. Comme il a remarqué
que Joseph baragouine l’allemand, il le prend avec
lui pour faire la tournée des malades et lui servir
d’interprète chez les gens. |
| |
|
|
| Més
voci cor on-ôte maleûr qui sorvint su l’
fin d’ l’anéye. Tos lès-omes
di 17 à 50 ans si d’vèt alè
présintè ô controle à Ouyèt,
leû paquèt su leû dos, prèt´
à pôrti po l’Alemagne. C’èst
l’ déportâcion. Par on trisse asard,
c’èst justumint l’ djoû d’
Sint-Nicolés èt i fét one frèdeû
d’ tchin. Dins brâmint dès môjons,
ol place d’ètinde lès-èfants
djipè d’vant leû-z-assiète,
on-z-ôt dol vôye lès feumes brére
èt s’ dilamènetè. Èt
on-z-aprind rade qui lès Boches ont ramèchenè
one masse d’omes. Tot l’ viyadje èst
ravadji pa lès pwin.nes. |
|
Mais voici encore un autre malheur qui survient
vers la fin de l’année. Tous les hommes de
17 à 50 ans doivent aller se présenter au
contrôle à Houyet, leur paquet au dos, prêts
à partir pour l’Allemagne. C’est la déportation.
Par un triste hasard, c’est justement le jour de
la Saint-Nicolas et il fait un froid de chien. Dans bien
des maisons, au lieu d’entendre les enfants rire
aux éclats devant leur assiette, on perçoit,
de la route, les pleurs et les lamentations des femmes.
Et l’on apprend vite que les Boches ont ramassé
quantité d’hommes. Tout le village est ravagé
par les peines. |
| |
|
|
| Pâr
boneûr, Djan-Piêre èst trop vî
èt Josèf n’a nin co l’âdje.
Qu’i fét bon vikè quand onz- èst
tortos èchone, qu’on mougne à wére
près su tos sès dints èt qu’on-z-a
do passemint d’ timps tant qu’on vout ! |
|
Par bonheur, Jean-Pierre est trop vieux et Joseph
n’a pas encore l’âge. Qu’il fait
bon vivre quand on est tous ensemble, qu’à
peu de chose près on mange à sa faim et
qu’on a des loisirs à volonté ! |
| |
|
|
| «
Bènichans l’ Bon Diè, di-st-èle
Marîye. Nos-avans stî rudemint spôrgnis
!» |
|
« Bénissons le Bon Dieu, dit Marie.
Nous avons été vraiment très épargnés
! » |
|
